kyuun malamat is qadar karte ho be-hasil hai ye
lag chuka ab chhutna mushkil hai us ka dil hai ye
be-qarari siin na kar zalim hamare dil kuun mana
kyuun na tadpe khaak o khuun men is qadar bismil hai ye
ishq kuun majnun ke aflatun samajh sakta nahin
go ki samjhave pe samjhega nahin aaqil hai ye
kaun samjhave mire dil kuun koi munsif nahin
ghair-e-haq ko chahta hai kyuun ita batil hai ye
kaun hai insan ka koi dost aisa jo kahe
maut us ki fikr men laagi hai aur ghafil hai ye
ashiqi ke fan men hai dil siin jhagadna be-hisab
kuchh nahin baaqi rakha is ilm men fazil hai ye
ham to kahte the ki phir paane ke nahin jaane na do
ab gae par ‘abru’ phir paiye mushkil hai ye
Leave a Reply