Sufi
kya kya mohabbaton ke zamane badal gae
ab tum kabhi mile ho to aansu nikal gae
fart-e-gham-e-havadis-e-dauran ke bavajud
jab bhi tire dayar se guzre machal gae
main nukta-chin nahin huun magar ye bataiye
vo kaun the jo hans ke gulon ko masal gae
kuchh dast-e-gul-farosh men sanvla ke rah gae
kuchh baghban ki barq-navazi se jal gae
tum ne hamen fareb-e-qayadat diya to hai
lekin kabhi hua hai ki tufan tal gae
ik vo bhi the jo bah gae maujon ke saath saath
ik ham bhi hain jo kha ke thapede sambhal gae
Leave a Reply