Jigar Moradabadi
kya kashish husn-e-be-panah men hai
jo qadam hai usi ki raah men hai
mai-kade men na khanqah men hai
jo tajalli dil-e-tabah men hai
haae vo raz-e-gham ki jo ab tak
tere dil men miri nigah men hai
ishq men kaisi manzil-e-maqsud
vo bhi ik gard hai jo raah men hai
main jahan huun tire khayal men huun
tu jahan hai miri nigah men hai
husn ko bhi kahan nasib ‘jigar’
vo jo ik shai miri nigah men hai
Leave a Reply