Poet
kya karen tadbir-e-vahshat ai dil-e-divana ham
us se mil bhi to nahin sakte hain azadana ham
ham rahen duuri kash-e-mai ghair mast-e-arghavan
aaj Takra denge har paimane se paimana ham
DhunDh lega aap manzil karvan-e-zindagi
ghair ka ehsan kyuun len himmat-e-mardana ham
lab rahe ḳhamosh lekin saari baten ho ga.iin
ik nazar men kah ga.e afsana-dar-afsana ham
jis tarah insan ko le Duube hain shaiḳh-o-barahman
laao saghar men Dubo den masjid-o-but-ḳhana ham
jis ko duniya men kisi ne munh lagaya hi nahin
mahfil-e-rindan men hain TuuTa hua paimana ham
kaash koi dekh hi leta nigah-e-lutf se
aa.e the mahfil men ‘jami’ kitne mushtaqana ham
Leave a Reply