Poet
kya kahun mujh pe jo ai dushman-e-jan guzri hai
tiri har baat tabi.at pe giran guzri hai
kuchh na samjhega tu betabi-e-dil ka aalam
ye musibat ki ghaḌi tujh pe kahan guzri hai
naunihalan-e-chaman bhi ḳhas-o-ḳhashak hue
ḳhaak uḌati hui yuun bad-e-ḳhizan guzri hai
zindagi naghma-e-be-saz-o-nava thi pahle
aaj tak ḳhair se ai dard-e-nihan guzri hai
jada-e-shauq men ye bhi mujhe ma.alum nahin
din kahan biit gaya raat kahan guzri hai
ziist vo kya hai jo mauhum si ummid liye
maut ki raah se benam-o-nishan guzri hai
dekhiye rang jamati hai bahar ab kyon kar
luuT kar husn-e-gulistan ko ḳhizan guzri hai
jur.at-e-arz-e-tamanna mujhe kyon kar ho ‘kanval’
ḳhatir-e-husn pe har baat giran guzri hai
Leave a Reply