Poet
kya hua us ne jo ashiq se jafakari ki
ruuh ne jabki na qalib se vafadari ki
lambi daḌhi bhi kisi haath se rusva hogi
hazrat-e-shaiḳh saza pa.enge makkari ki
tu vo zalim hai gaya naaz se itra ke jo vaan
davar-e-hashr ne bhi teri taraf-dari ki
daagh raushan mire siine pe jo dekhe us ne
mohr-e-pur-nur pe bhapti kahi chingari ki
gham-e-majnun men siyah-posh bani hai laila
ai junun ye shab-e-hijran ki nahin tariki
sun liya naam vafa ka hai kisi ashiq se
jaan ab kaahe ko chhoḌenge vafadari ki
ek tauba ke siva kuchh na kiya ham ne ‘vasim’
afv ke haath hai ab sharm gunahgari ki
Leave a Reply