Sufi

Kya Din The Gulabon Se Shanasai Thi Apni

kya din the gulabon se shanasai thi apni

atish ka javan hona bhi rusvai thi apni

mahtab ki sanson men tavazun na raha tha

is chand ne ik raat jo chamkai thi apni

ye ishq to lagta hai ki aaseb hai koi

ham ne to tabiat zara bahlai thi apni

ab DhunD ke laae koi aur aaina jis men

surat hamen ik roz nazar aai thi apni

jaate to kahan ja ke sukun DhunDte ‘fakhir’

mahfil koi apni thi na tanhai thi apni

More Poems

Leave a Comment