kya baiTh jaa.en aan ke nazdik aap ke
bas raat kaTni hai hamen aag taap ke
kahiye to aap ko bhi pahan kar main dekh luun
ma.ashuq yuun to hain hi nahin meri naap ke
bajti hain shahr shahr mire dil ki dhaḌkanen
charche hain duur duur usi Dholak ki thaap ke
ik raat aap jism-e-ḳhuda ban ke aa.iye
aur ham gunahgar hon pahlu men aap ke
‘ehsas-ji’ pe aisa chaḌha ashiqi ka rang
sab daagh miT ga.e hain tilak aur chhap ke
Leave a Reply