Kunj-E-Qafas Se Pahle Ghar Apna Kahan Na Tha

Poet

kunj-e-qafas se pahle ghar apna kahan na tha

aae yahan to hausla-e-ashiyan na tha

tujh ko samajh ke khvab men pahuncha main jis jagah

dekha jo aankh khol ke to kuchh vahan na tha

ik ik qadam pe ab to qayamat ki dhuum hai

aage to ye chalan kabhi ai jan-e-jan na tha

thahri jo vasl ki to hui subh shaam se

but mehrban hue to khuda mehrban na tha

kyunkar qasam pe aaj mujhe e’tibar aae

kis din khuda tumhare mire darmiyan na tha

toda jo phuul bulbul-e-shaida ke samne

kya tere dil men dard kuchh ai baghban na tha