Akbar Hyderabadi
kul alam-e-vajud ki ik dasht-e-nur tha
saara hijab tira-dili ka qusur tha
samjhe the johd-e-ishq men ham surḳh-ru hue
dekha magar to shisha-e-dil chuur chuur tha
pahunche na yuun hi manzil-e-iz.har-e-zat tak
taht-e-shu.ur ik safar-e-la-shu.ur tha
tha jo qarib us ko basirat na thi nasib
jo dekhta tha mujh ko bahut mujh se duur tha
mub.ham the sab nuqush naqabon ki dhund men
chehra ik aur bhi pas-e-chehra zarur tha
Leave a Reply