koi mausam bhi ham ko raas nahin
vo nahin hai to kuchh bhi paas nahin
ek muddat se dil ke paas hai vo
ek muddat se dil udaas nahin
jab se dekha hai shaam ankhon men
tab se qaa.em mire havas nahin
mere lahje men us ki ḳhushbu hai
us ki baton men meri baas nahin
jitna shaffaf hai tira anchal
itna ujla mira libas nahin
samne mere ek dariya hai
honT sukhe hain phir bhi pyaas nahin
jis ko chaha hai jan-o-dil se ‘hasan’
jaane vo kyuun nazar-shanas nahin
Leave a Reply