Koi Maidan Na Jita Ishq Ka Farhad Ke Aage

koi maidan na jiita ishq ka farhad ke aage

kasu ne dam na maara tesha-e-faulad ke aage

gae daude na akhir hazrat-e-yaqub kanan se

zamin naape pidar bhi husn-e-madar-zad ke aage

akela kyunki lagta bastiyon men dil bichare ka

na hota naqsh shirin ka agar farhad ke aage

agar dhadka ho jannat men to bad-tar hai jahannum se

hamen gul khaar sa lagta hai us sayyad ke aage

‘yaqin’ us qad ke aage is tarah se sarv rusva hai

darakhtan-e-bayabani hain juun shamshad ke aage

Leave a Comment