Poonam Yadav
koi bhi arman nahin hai
yuun jiina asan nahin hai
aahen andar ghut jaati hain
dil men raushan-dan nahin hain
chhodo bhi ab in qisson ko
in qisson men jaan nahin hai
baat chhupana sikho sahab
kis ghar men tufan nahin hai
ab bhi tera hissa huun main
bas tujh ko hi dhyan nahin hai
jab tab khvahish ug aati hain
dil hai registan nahin hai
main ik aisa afsana huun
jis ka kuchh unvan nahin hai
Leave a Reply