koi ajdad ke ḳhazane the
dard kuchh is qadar purane the
na nigahen churao khanDar se
ye to abad ashiyane the
sirf iz.har hi nahin kaafi
aap ko naaz bhi uThane the
vaj.h inkar ki mire to bas
yuun samajh lijiye bahane the
be-sahara hain aur be-ghar bhi
rishte-naton men jo siyane the
ba.ad muddat ke ḳhuub soi main
mera sar aur un ke shane the
un nigahon ke vaar sah na sake
tegh ke vaar jo dikhane the
Leave a Reply