ahmad-mahfuz

Apna Socha Hua Agar Ho Jae

apna socha hua agar ho jaae

ek aalam hamare sar ho jaae

shor dasht-e-sukut men kam hai

ai hava tu hi tez-tar ho jaae

na karenge vo rukh idhar apna

chahe duniya idhar-udhar ho jaae

dard avaz rafta rafta bane

ah-e-shab nala-e-sahar ho jaae

kitni rahen khuli hain apne liye

dekhiye kab kidhar safar ho jaae

is liye hoshiyar rahta huun

kya khabar kab vo be-khabar ho jaae

More Poems

Leave a Comment