Har Taraf Tazkira-E-Jurm-O-Saza Hota Hai

Karrar Noori

har taraf tazkira-e-jurm-o-saza hota hai

aaj ham samjhe ki banda bhi ḳhuda hota hai

jaise rahte hon kisi shaḳhs ki jagir men ham

dil men rah rah ke ye ehsas sa kya hota hai

ham-nashin ghaur na kar baat ko mahsus to kar

is chhaTi his men koi ḳhatra chhupa hota hai

apne ehsas men ai va.iz-e-taslim-o-raza

rind paimana-ba-kaf ho to ḳhuda hota hai

kitna pyara hai vo ‘nuri’ mira vaqti dushman

meri be-rah-ravi par jo ḳhafa hota hai