kisi ne raat kaha us ki dekh kar surat
ki main ghulam huun is shakl ka bahar-surat
hain aa.ine ke bhi kya tale.a ab sikandar vaah
ki us nigar ki dekhe hai har sahar surat
ajab bahar hui kal to vaqt-e-nazzara
jo main idhar ko hua us ne ki udhar surat
udhar ko jab main gaya us ne li idhar ko pher
phira main us ne fira.i jidhar jidhar surat
hazaron phurtiyan main ne to kiin par us ne ‘nazir’
na dekhne di mujhe apni ankh-bhar surat
Leave a Reply