etibar-sajid

Kisi Ne Dil Ke Taq Par Jala Ke Rakh Diya Hamein

kisi ne dil ke taaq par jala ke rakh diya hamen

magar hava-e-hijr ne bujha ke rakh diya hamen

hazar ham ne zabt se liya tha kaam kya karen

kisi ke ansuon ne phir rula ke rakh diya hamen

hamari shohraten kharab is tarah bhi us ne kiin

ki apne ashnaon se mila ke rakh diya hamen

hamen is anjuman men jaane us ne kyuun bula liya

bula liya aur ik taraf bitha ke rakh diya hamen

faqat ham ek dekhne ki chiiz ban ke rah gae

kisi ne aisa ishq men bana ke rakh diya hamen

ham ‘eatibar’ us ki har shikast men sharik the

magar bisat se alag utha ke rakh diya hamen

More Poems

Leave a Comment