kisi ke paikar-e-ru-posh par nazar hai abhi
to duur mujh se dar-andazi-e-sahar hai abhi
ye jaan kar bhi ki mujh par nazar nazar hai abhi
mira shu.ur bura.i se be-ḳhabar hai abhi
lage hain bughz ke shishe jahan jabinon men
vahan udaas mohabbat ka sang-e-dar hai abhi
isi ko log sameTenge dastanon men
mire labon pe jo rudad-e-muḳhtasar hai abhi
kisi ka kilk-e-tanaffur chara na le us ko
jo husn meri nigarish men jalva-gar hai abhi
ḳhuda bacha.e har aisi kitab ko jis men
hai Tiipu aaj bhi Tiipu zafar zafar hai abhi
yunhi rahega rahega rahega ta-ba-hayat
adab pe ‘shauq’ ke jo saya-e-‘asar’ hai abhi
Leave a Reply