kisi be-ghar jahan ka raaz hona chahiye tha
hamen is dasht men parvaz hona chahiye tha
hamare ḳhuun men bhi koi bichhḌi lahar aa.i
hava ke haath men ik saaz hona chahiye tha
hamare la-makan chehre men a.inon ke jangal
hamen in men tira andaz hona chahiye tha
yahin par ḳhatm honi chahiye thi ek duniya
yahin se baat ka aghaz hona chahiye tha
‘riyaz’ ab tum ko khulna chahiye tha is varaq par
kisi be-ghar jahan ka raaz hona chahiye tha
Leave a Reply