Khwah Sach Jaan Meri Baat Ko Tu Khwah Ki Jhut

ḳhvah sach jaan miri baat ko tu ḳhvah ki jhuut

sach kahun sach ko agar tere to vallah ki jhuut

sach agar bole tu ham se to bhala kya ho ḳhushi

ji men ji aata hai sun kar tira har gaah ki jhuut

raast gar puchhe to hai raast ki tujh men nahin mehr

apni hat-dharmi se kahta hai tu ai maah ki jhuut

jhut-mut un se main kuchh maslahatan bolunga

sach hai tu bol na uthiyo dil-e-agah ki jhuut

main jo puchha ki tujhe ghairon se hai raah to vo

pher kar munh ko laga kahne be-ikarah ki jhuut

koi itna bhi bura karta hai meri hi tarah

kyuun bhala sach hai na ye ai but-e-dil-ḳhvah ki jhuut

dil to vaqif hai bahut vaan se tuk ik sach kahna

lavbali hai mire yaar ki dargah ki jhuut

mujh se jab milta hai tab chhed ke puchhe hai yahi

ye ‘hasan’ sach hi to rakhta hai miri chaah ki jhuut

kya javab us ka mire paas ba-juz ḳhamoshi

ya magar ye ki yahi har gah kahun aah ki jhuut

Leave a Comment