KHwabon Ki Lazzaton Pe Thakan Ka Ghilaf Tha

ḳhvāboñ kī lazzatoñ pe thakan kā ġhilāf thā

āñkheñ lagīñ to niiñd kā maidān saaf thā

dīvār-e-dil se utrī haiñ tasvīreñ saiñkaḌoñ

pasmāñda ḳhvāhishoñ se use iḳhtilāf thā

dekhā qarīb jā ke to sharmindagī huī

chehre pe apne gard thī ā.īna saaf thā

ab ke safar meñ dhuup kī dariyā-dilī na pūchh

aur sāya-e-shajar se mirā iḳhtilāf thā

Leave a Comment