afzal-hazarvi

Khwab Ban Kar Har Khushi Rah Jaegi

khvab ban kar har khushi rah jaegi

bin tire kya zindagi rah jaegi

hijr ki manzar-kashi rah jaegi

aankh men yaaro nami rah jaegi

panchhi saare ped se ud jaenge

sahn men ik khamushi rah jaegi

yuun to sab hi log honge bazm men

tu na hoga to kami rah jaegi

jaane vaala laut kar na aaega

aankh dar par hi jami rah jaegi

phir kahan afzal khulus-e-dostan

naam ki jab dosti rah jaegi

More Poems

Leave a Comment