KHushnuma Pal Ki Giraftari Karen

ḳhushnumā pal kī giraftārī kareñ

aa ki mil kar ye samajhdārī kareñ

ek chhatrī meñ bacheñ ham dhuup se

jo pahal dil meñ hai vo saarī kareñ

aap ham donoñ pareshāñ ho liye

aa.iye phir se vafādārī kareñ

jo jagā de ḳhūbsūrat ḳhvāb se

aise sūraj se bhī kyā yaarī kareñ

lawn meñ sab fationable palants haiñ

ek do phūloñ kī bhī kyārī kareñ

Leave a Comment