Poet
khush-numa garche mad ka haala hai
tere kanon ka baala baala hai
dar-e-mai-khana ka gada huun main
be-piyala mira piyala hai
dil-e-sad-para ye baghal men na ho
dard dukh ka mire risala hai
us nigah us mizha ki kuchh mat puchh
ek barchhi hai ek bhala hai
hai dam o hosh apna be-hoshi
hosh jab se yahan sambhala hai
kaise vaada-khilaf se ‘joshish’
haq-taala ne kaam daala hai
mujh ko hai intizar o betabi
us ko hiila hai aur havala hai
Leave a Reply