Pinhaan
ḳhun-rang hui shaam shafaq se bhi ziyada
dil Duub gaya duur ufaq se bhi ziyada
laḌki vo hui jaati hai zaḳhmon ki dhanak si
saada jo rahi saada varaq se bhi ziyada
bachpan ke khilaune ki tarah mujh ko bhula do
main yaad rakhun tum ko sabaq se bhi ziyada
kya dekh liya ḳhvab ne a.ina-e-ta.abir
dil ho gaya faq chehra-e-faq se bhi ziyada
‘pinhan’ yahan daulat ho ki taqat ho ki shohrat
matlub talab-garon ko haq se bhi ziyada
Leave a Reply