Khun Aankhon Se Nikalta Hi Raha

khuun ankhon se nikalta hi raha

karvan-e-ashk chalta hi raha

is kaf-e-pa par tire rang-e-hina

jin ne dekha haath malta hi raha

subh hote bujh gae saare charagh

dagh-e-dil ta shaam jalta hi raha

kab hua bekar putla khaak ka

ye to sau qalib men Dhalta hi raha

beh hue kab daagh mere jism ke

ye shajar har vaqt phalta hi raha

kab thama ankhon se meri khun-e-dil

josh kha kha kar ubalta hi raha

kya hua marham lagane se ‘fughan’

zakhm-e-dil siine men salta hi raha

Leave a Comment