Hashim Azimabadi
ḳhuld men bhi hasb-e-adat va.az farma.enge kya
shaiḳh huron se hajamat apni banva.enge kya
vaan dhara hi kya hai Tiile aur pahaḌon ke siva
rockiton par uḌne vaale chand par pa.enge kya
dekhte hi resha-ḳhatmi ho rahe hain piir ji
us muridan se bhi apna aqd paḌhva.enge kya
puchh baiThe gar kahin dhoti pahanne ka sabab
koi ham ko ye to batlao ki batla.enge kya
bhaa.i sahab ek hi ka bojh sar par kam nahin
dusri ik aur aafat apne sar la.enge kya
ḳhuld men bhi ho nahin sakta hai ‘hashim’ ka nibah
un ko gham khane ki aadat hai vahan kha.enge kya
Leave a Reply