afeef-siraj

Khul Gaya Khalwat-e-Tanhai Ka Qissa Ai Hai

khul gaya khalvat-e-tanhai ka qissa ai hai

chal gaya shahr men afvah ka sikka ai hai

qumri-o-tuti-o-bulbul hain jise dekh ke mast

us gul-andam ko tum ne nahin dekha ai hai

kya kahen kaisa laga chand hamen us ke baghair

Duub kar jab gham-e-hijran men vo nikla ai hai

us ke fiqre se main kya samjhun koi samjha de

dafatan meri taraf dekh ke bola ai hai

al-gharaz qissa-e-do-lafz ye sun le ai dost

kucha-e-yar ba-sad ranj na chhuta ai hai

More Poems

Leave a Comment