Poet
ḳhud ko pahron thakati huun main
yaad ke but banati huun main
dhyan haTta nahin hai mira
dhyan tujh se haTati huun main
kaun tere siva hai mira
tujh ko apna banati huun main
jab mujhe yaad aata hai vo
do-jahan bhuul jaati huun main
ḳhvab hai teri chahat mujhe
ḳhvab ḳhud ko dikhati huun main
jal raha hai diye se diya
banTti huun to paati huun main
aaj nau saal puure hue
apni vahshat manati huun main
vaah va ki zarurat nahin
zaḳhm likh kar dikhati huun main
Leave a Reply