Hamidi Kashmiri
ḳhud hi be-asra karte hain
haath uTha kar dua bhi karte hain
raat bhar peḌ chup bhi rahte hain
dil men mahshar bapa bhi karte hain
chhin lete nahin basarat hi
vo to be-dast-o-pa bhi karte hain
koi pahchan ho nahin paati
parde kya kya uTha bhi karte hain
aate hi sar qalam nahin karte
pahle ḳhud ashna bhi karte hain
vaar karte nahin vo chhup kar hi
kisht o ḳhuun barmala bhi karte hain
Leave a Reply