Abrar Azmi
khayal lams ka kar-e-savab jaisa tha
asar sada ka bhi mauj-e-sharab jaisa tha
varaq nuche hue sab lafz o maani gum-sum the
ye baat sach hai vo chehra kitab jaisa tha
tamam raat vo pahlu ko garm karta raha
kisi ki yaad ka nashsha sharab jaisa tha
udaas zarron ke ham-rah koi phirta raha
khamoshiyon ka bayaban sarab jaisa tha
ik umr khoi to ye raaz mujh pe faash hua
khayal-e-mahr-o-vafa naqsh-e-ab jaisa tha
Leave a Reply