ḳhayal ban ke vo mujh men utar bhi aata hai
ki rafta rafta dua men asar bhi aata hai
jise talash hai ḳhush-rang absharon ki
vo zaḳhm zaḳhm badan le ke ghar bhi aata hai
charagh ban ke chamakta huun sang-rezo men
savad-e-shab mujhe aisa hunar bhi aata hai
na jism-o-jan ka andhera na raston ka ghubar
jo tu mile to ik aisa safar bhi aata hai
lahu lahu jo raha pattharon ki barish men
gali gali vahi chehra nazar bhi aata hai
use bhi pyaar ke mausam pasand hain ‘jazib’
safar ki dhuup men jalne shajar bhi aata hai
Leave a Reply