ḳhat koi pyaar bhara likh dena
mashvara likhna dua likh dena
koi divar-e-shikasta hi sahi
us pe tum naam mira likh dena
kitna saada tha vo imkan ka nasha
ek jhonke ko hava likh dena
kuchh to akash men tasvir sa hai
muskura de to ḳhuda likh dena
barg-e-aḳhir ne kaha lahra ke
mujhe mausam ki ana likh dena
haath lahrana hava men us ka
aur paigham-e-hina likh dena
sabz ko sabz na likhna ‘bani’
fasl likh dena faza likh dena
Leave a Reply