ḳharab-e-ishq sahi alam-e-shuhud men huun
huun ashk ashk magar apne hi vajud men huun
kisi ne naghmon men tahlil kar diya hai mujhe
na gungunao ki main parda-e-surud men huun
tu apni zaat se mujh ko alag na jaan ki main
tire jamal ki nik.hat ke tar-o-pud men huun
hazar rang men dekha hai mujh ko duniya ne
azal se ta-ba-abad nashsha-e-varud men huun
ḳhud apni zaat ka irfan na ho saka mujh ko
abhi main kashmakash-e-dam-e-hast-o-bud men huun
Leave a Reply