Poet
ḳhaak se ḳhvab talak ek si virani hai
mere andar mire bahar ki bayabani hai
koi manzar kahin maujud hai pas-manzar men
varna kya chiiz hai jo ba.is-e-hairani hai
kah ke dekhenge ba-har-taur magar pahle bhi
dil-e-ḳhud-sar ne koi baat kahan maani hai
kise malum hai rukna ki guzar jaana hai
shaam hai Thahri hui bahta hua paani hai
dekh ye dil jo kabhi had se guzar jaata tha
dekh dariya men koi shor na tughyani hai
Leave a Reply