khali aankhon ka makan mahnga hai
mujhe mitti ki lakir ban jaane do
khuda bahut se insan banana bhuul gaya hai
meri sunsan aankhon men aahat rahne do
aag ka zaiqa charagh hai
aur niind ka zaiqa insan
mujhe pattharon jitna kas do
ki meri be-zabani mashhur na ho
main khuda ki zaban munh men rakhe
kabhi phuul ban jaati huun aur kabhi kanta
zanjiron ki rihai do
ki insan in se zyada qaid hai
mujhe tanha marna hai
so ye ankhen ye dil
kisi khali insan ko de dena