kaun se shahar men kis ghar men kahan hona hai
main vahan hota nahin mujh ko jahan hona hai
ek jugnu ne ye nukta mujhe ta.alim kiya
kis pe poshida raho kis pe ayaan hona hai
is liye taulti rahti hain paron ko ruhen
hukm aate hi sar-e-arsh-e-ravan hona hai
vaqt aa pahuncha hai ab taḳht gira.e jaa.en
dosto ham se hi ye kar-e-garan hona hai
is qadar dil ne ḳhasara to nahin socha tha
ye to tai tha ki mohabbat men ziyan hona hai
maz.hab-e-ishq men jaa.ez hai sabhi kuchh ‘hashim’
aaj tum jaan ho kal dushman-e-jan hona hai
Leave a Reply