‘kashif’ ghazal tumhari paḌhi aaj raat men
maana na jiit pa.ungi main tum se baat men
‘kashif’ sanam-parasti nahin diniyat men
ye tum kahan se paḌ ga.e lat-o-manat men
‘kashif’ kitab-e-ishq ka ijra na yuun karo
yuun vaqt na ganvaya karo vahiyat men
‘kashif’ hamare pyaar men kya kya nahin hua
lekin tumhari fat.h rahi meri maat men
‘kashif’ tumhara ishq hi me.araj hai miri
sab asman Thahre tumhari hi zaat men
‘kashif’ yaqin hai mujhe iman hai mira
tum sa na mil sakega mujhe ka.enat men
Leave a Reply