Mushaf Iqbal Tausifi
kanar-e-ab hava jab bhi sansanati hai
nadi men chupke se ik chiḳh Duub jaati hai
dikha.i deti hain lashen hi lashen angan men
kahan se ḳhud-kushi kar ke ye dhuup aati hai
vo shai jo baiThti hai chhup ke nange peḌon men
guzarte vaqt bahut taliyan bajati hai
piyun sharab main dushman ke kasa-e-sar men
ye buzdil aarzu kaisi hansi uḌati hai
‘musavvir’ us ko batate hain zaniya ye log
kuen men apni jo sab nekiyan girati hai
Leave a Reply