kal raat vo jhagaḌti rahi baat baat par
aur main kitab likhta raha ka.enat par
kya sochiye ki soch se aage hai zindagi
pahre laga rakhe hain kisi ne hayat par
kya dastan suna.iye us ke visal ki
kya tabsira kare koi sahra ki raat par
shayad miri ana mire lahje pe hai muhit
shak ho raha hai us ko mire iltifat par
tere baghair lagta hai goya ye zindagi
tanqid kar rahi hai miri ḳhvahishat par
phir us ne miri ḳhu men mujhe qaid kar diya
ik ḳhvab sa lapeT diya meri zaat par
Leave a Reply