kahun kya dil uḌane ka tira kuchh Dhab nirala tha
vagarna har tarah se ab talak to main sambhala tha
kahan ab khul ke vo rona kidhar vo ashk ki shorish
kabhu kuchh phuuT bahta hai jigar par vo jo chhala tha
hua avara-e-dasht-o-bayaban dekhte apne
vo tifl-e-ashk jo ulfat se ankhon biich paala tha
tira gham kha gaya mera kaleja dil sabhi yak baar
hua hoga kahan se ser ye to ik nivala tha
abhi to lag na chalna tha ‘asar’ us gul-badan ke saath
koi din dekhna tha zaḳhm-e-dil be-tarah aala tha
Leave a Reply