kahte hain ki yusuf ka ḳharidar to laao
us jins-e-giran ko sar-e-bazar to laao
tamsil-e-jamal-e-nigah-e-yar to laao
mumkin ho javab-e-lab-o-ruḳhsar to laao
lo naam na yaaro ki baghavat hai baḌi shai
tum pahle zara jur.at-e-guftar to laao
ab husn men paida hain pazira.i ke asar
tum ishq men kuchh jur.at-e-iz.har to laao
az-rah-e-aqidat use ankhon se laga.en
tum koi hadis-e-lab-o-ruḳhsar to laao
us ke liye zanjir-e-baharan bhi hai kaafi
gulshan men koi taaza giraftar to laao
aram pas-e-manzil-e-dushvar hai ‘ehsas’
saaya bhi milega koi divar to laao
Leave a Reply