kahin tha main mujhe hona kahin tha
main dariya tha magar sahra-nashin tha
shikast-o-reḳht kaisi fat.h kaisi
ki jab koi muqabil hi nahin tha
mile the ham to mausam hans diye the
jahan jo bhi mila ḳhandan-jabin tha
savera tha shab-e-tira ke aage
jahan divar thi rasta vahin tha
mili manzil kise kar-e-vafa men
magar ye rasta kitna hasin tha
jilau men tishnagi ankhon men sahil
kahin siine men sahra ja-guzin tha
Leave a Reply