Muzaffar Ahmad Muzaffar
ham talḳhi-e-hayat ko asan na kar sake
sahra.i-zindagi ko gulistan na kar sake
tha zo.am jin ko apni masiha.i ka yahan
vo bhi ilaj-e-sozish-e-pinhan na kar sake
varaftagi-e-shauq men shal ho ga.e badan
aabid tavaf-e-kucha-e-janan na kar sake
kuchh yuun chali thi bad-e-havadis ki ki umr-bhar
qindil-e-arzu ko farozan na kar sake
alam-e-ashiqi ne kiya ḳhud se be-ḳhabar
ham tazkira-e-saḳhti-e-dauran na kar sake
aisa chubha hai nashtar-e-bedad-e-arzu
ham zindagi men phir koi arman na kar sake
bad-e-nasim ab ke ‘muzaffar’ ajiib thi
ham ehtimam-e-sub.h-e-baharan na kar sake
Leave a Reply