Tahira Jabeen Tara
kaghaz pe tera naqsh utara nahin gaya
mujh se koi khayal sanvara nahin gaya
mil ke laga hai aaj zamane thahar gae
tujh se bichhad ke vaqt guzara nahin gaya
tufan men bhi duub na paai miri ana
duuba magar kisi ko pukara nahin gaya
khushiyon ke qahqahe hain har ik samt gunjte
lagta hai koi shahr men maara nahin gaya
insan vahshiyon ki tarah hain ki aaj tak
mafhum zindagi ka ubhara nahin gaya
araish-e-jamal kisi kaam ki nahin
ru-e-amal ko jab ki nikhara nahin gaya
Leave a Reply