kabhi vo misl-e-gul mujhe misal-e-khar chahiye
kabhi mizaj-e-mehrban vafa-shiar chahiye
jabin-e-khud-pasand ko saza-e-dard yaad ho
sar-e-junun-kosh men khayal-dar chahiye
fareb-e-qurb-e-yar ho ki hasrat-e-supurdagi
kisi sabab se dil mujhe ye be-qarar chahiye
gham-e-zamana jab na ho gham-e-vajud DhunD luun
ki ik zamin-e-jan jo hai vo daghdar chahiye
vo azmaish-e-junun vo imtihan-e-be-khudi
vo sohbat-e-tabah-kun phir ek baar chahiye