kabhi hans raha tha kabhi ga raha tha
mira hausla tha jiye ja raha tha
ye achchha hua koi milne na aaya
main ḳhud apne saa.e se katra raha tha
vo pahli kiran si mire ansuon ki
mujhe apna ik ḳhvab yaad aa raha tha
ka.i aql ki gutthiyan thiin mira dil
samajhta na tha mujh ko samjha raha tha
usi par na.e phuul bhi khil rahe the
vahi shaḳh main jis pe murjha raha tha
vo mujh se mila shaam ke vaqt jab main
parindon ke hamrah ghar ja raha tha
Leave a Reply