kab tak tasavvurat men dil ko lahu karen
aa ai shab-e-firaq koi guftugu karen
duniya-e-hadsat ki nairangiyon ki ḳhair
kyunkar nigah-e-naz tiri aarzu karen
apni vafa ka zikr teri be-ruḳhi ki baat
tu sun sake to aaj tire ru-ba-ru karen
phir bhar ga.e hain zaḳhm dil-e-na-subur ke
ji chahta hai phir se tiri justuju karen
phaile hue hain silsile vahshat ke duur tak
daman-e-zindagi ko kahan tak rafu karen
ham ne bana liya hai naya phir se ashiyan
‘asrar’ bijliyon se chalo guftugu karen
Leave a Reply