jo tu ho paas to dekhun bahar ankhon se
vagarna karte hain gul kar-e-khar ankhon se
kahan hai tu ki men khinchun huun raah men teri
bisan-e-naqsh-e-qadam intizar ankhon se
zi-bas ki atish-e-gham shola-zan hai siine men
girin hain ashk ki jagah sharar ankhon se
main yaad kar dur-e-dandan-e-yar rota huun
tapakte hain guhar-e-ab-dar ankhon se
tuk aa ke dekh tu ai sarv-qad mira ahval
ravan hai gham men tire juebar ankhon se
chadhaun dasta-e-nargis mazar-e-majnun par
jo dekhun aaj main ru-e-nigar ankhon se
chaman men kal koi tujh sa pari nazar na pada
agarche dekhe hain ja kar hazar ankhon se
hua hai dida-e-‘bedar’ gul-fishan jab se
gira hai tab se ye abr-e-bahar ankhon se
Leave a Reply